Բարեկենդանը Հայ Առաքելական Եկեղեցու շարժական տոներից է, նշվում է Սուրբ Սարգսի տոնից մինչև Մեծ պաս ընկած ժամանակաշրջանում։ Այդ օրը մարդիկ ճոխ սեղաններ են գցում,ուրախանում, զվարճանում՝ հաջորդող պահքը ուրախ սրտով մտնելու և երկարատև պահոց օրերին դիմակայելու համար։ Տոնն ավարտվում է Բուն Բարեկենդանով, որը նշվում է շաբաթապահքերի և Մեծ պահքի նախընթաց կիրակի օրը։
Բարեկենդանին հաջորդում է Տյառնընդառաջը։
Ըստ ժողովրդական ավանդության՝ Տյառնընդառաջի հիմնական ծեսը խարույկ վառելն էր և այդ խարույկի շուրջ տոնակատարությունը: Խարույկը վառում էին հիմնականում ցորենի հասկերից: Կրակի վառվելու ընթացքում կանայք սկուտեղի վրա բերում էին Տյառնընդառաջի տոնական կերակրատեսակները` փոխինձը, չամիչը, աղանձը, ընկույզը, բոված սիսեռը և պտտեցնում կրակի շուրջը, մի մասը բաժանում էին, մյուս մասը ներս տանում` երեկոյան խնջույքի համար:
Այսօր Մխիթար Սեբաստացի կրթահամալիր Քոլեջի բակում հավաքվել էին երկուսից վեց տարեկան սաներ, ծնողներ, դաստիարակներ։
Խաղացինք, երգեցինք, պարեցինք, թռանք կրակի վրայով, օրհնեցինք միմյանց ու չիք արինք չարն ու վատը։
Անուշ Բոյնարգյանի բլոգ 